[image: IFM 919 Logo (1).jpg]
Gipaklaro karon sa Department of Health Region 12 ang datus nga gipagawas kabahin sa nabiktima sa firecracker related injuries sa pagsaulog sa pasko sa rehiyon dose.
Matod sa impormasyon gikan kay Jenny Ventura ang focal person sa DOH 12 upat ka mga indibidwal ang nabuthan og firecracker sukad nga gilusad ang kampanya December 21 karong tuiga hangtud January 5 sunod tuig.
Usa ang natala sa probinsya sa Sultan Kudarat ug tulo ang naala sa probinsya sa South Cotabato.
Tig-duha ka mga babaye og lalaki nag edad og 11 hangtud 45 anyos ang mga biktima nga nabuthan sa ilang mga panimalay lamang.
Mga active users sa pabuto ang mga nabiktima ning higayona.
Mas taas matod pa kini og 57 percent ang datus sa nahimong biktima ikumpara niaging tuig sa parehong panahon.
Subling magpagawas og impormasyon ang DOH 12 matag adlaw kabahin sa nahimong biktima sa firecracker related injuries sa rehiyon.
Hinuon walay nahimong biktima sa stray bullet sa pagsaulog sa pasko.
