Ginpasidungan ang Ilonggo grade 5th student nga si Keifer “Kefo” Rahad Arabiyat matapos nagpangibabaw sa Short Stories National Competition sa pungsod Iceland sang damlag lang. .
Si Arabiyat ang nagdaku sa Veterans Village, City Proper kag ulihi nga nagpuyo sa Brgy. Cagbang, Oton, Iloilo. Ini ang anay estudyante sang Stella Maris Academy De Iloilo sa Villa, distrito sang Arevalo, bag-o nagtransfer sa Iceland sang nagligad lang nga bulan sang Hunyo tuig 2017.
Nagmadinalag-on ang bataon nga Ilonggo sa nasambit nga kompetisyon kag pormal nga ginpasidungan sa sulod mismo sang Bessastadir okon ang presidential palace sang Iceland.
Mismo ang first Lady sang Iceland nga si Eliza Reid ang naghatag sang award kay Kefo kag sa iban pa nga mga contestant. Kaupod man sang ilonggo winner nga nagbaton sang award ang iya tita Marlene Aciobanitii.
Si Kefo ang apo nanday Perpetuo kag Rosalinda Larupay sa banwa sang Oton Iloilo.
