Nag-score sang tag-isa ka goal sanday Phil Younghusband, Hikaru Minegishi kag Kevin Ingreso agud pangunahan ang Philippine Azkals sa 3-2 nga kadalag-an batuk sa Fiji kagab-i sa Rizal Memorial Stadium.
Kabahin sang ila pagpanghanda sa ila ulihi nga hampang sa 2019 Asian Cup Qualifiers , una nga nag-score sa 29th minute si Youngusband sa iya penalty kick.
Ginsundan ini ni Minegishi sa 51st minute antis ang strike ni Ingreso sa 64th minute para sa 3-0 nga abanse.
Apang wala pa natapos ang hampang bangud nagbawi pa ang fiji sa halog nga depensa sang azkals kag sa foul ni goal keeper Nick O’Donell agud makalagas ang mga pangayaw sa nabilin nga duha ka minutos sang hampang para sa final score.
Bangud diri, indi nangin malipaypn sa nangin hampang sang Azkals si team manager Dan Palami.
Suno kay Palami dapat makay-o ang nahimo nga sala sang Azkals antis ang ila hampang batuk sa Tajikistan sa Martes, Marso 27.
