Daulah Islamiyah sub-leader kag 5 ka kaupdanan, patay sa operasyon sang PNP kag AFP sa Polomolok, South Cotabato.

40

Patay ang anum ka mga miyembro sang Daulah Islamiya Nilong Group, samtang 2 naman ang pilason sa PNP sa ginpatigayon nga operasyon sang gintingob nga pwersa sang PNP Special Action Force, Army Special Forces, Intelligence Community kag Polomolok MPS sa Purok 6, Koronadal Proper, Polomolok, South Cotabato.
Suno kay P/Capt. Rommel Hitalia, Deputy Chief of Police sang Polomolok Municipal Police Station sa interview sang RMN Koronadal, nagluntad ang shootout sang nagserbi sang warrant of arrest ang gintingob nga pwersa sang kapulisan alas 5:00 kagaina sang aga batok sa suspek nga si Arafat Bulacon, ginakabig sub-leader sang Daulah Islamiya.
Sa nasambit nga engkwentro nagresulta sang kamatayon ni Bulacon kag sang lima pa ka miyembro sang bandido nga grupo.
Narekober naman sa encounter site ang 5.56 m4 rifle 2 ka 12 guage shot gun , duha ka caliber 38, IED kag flag sang ISIS.
Si Arafat Bulacon suno pa ang isa sa mga ginatudlo nga responsable sa pagpamomba sa General Santos City sang 2018 kag criminal activities sa South Cotabato.

Facebook Comments