Davao City- Tulo ka linog ang natala karong adlawa, Disyembre 8 nga mitay-og sa Davao Oriental.
Base sa report sa Philippine Institute of Volcanology and Seismology (PHIVOLCS), magnitude 3.1 nga linog ang unang mitay-og sa maong lugar kaganinang alas 9:49 sa buntag, gisundan kini og magnitude 4.1 ug 4.8 alas 7 sa gabii diin parehong tectonic ang tinubdan sa maong linog nga miigo sa sidlakang bahin sa Governor Generoso, Davao Oriental.
Sumala sa PHIVOLCS, walay laumang damyos ug aftershocks sa maong mga linog.
Kahinumduman nga kaniadtong Nobyembre 30 lang, gitay-ug og magnitude 5.0 nga linog ang Davao Oriental diin nabatian kini sa Bislig City, Surigao del Sur sa kakusgon nga intensity III.
Padayong pahimangno sa Office of Civil Defense kun OCD XI ngadto sa katawhan nga kanunayng mag igmat ug mag-andam gani kung dunay mga earthquake drill nga ipahigayon, mukoordinar ug mupartisipar aron madungagan ang kaalam sa pagpangandam kung dunay matigayun nga linog tungod ang maong kalamidad dili matagna kung kanus-a mahitabo.
RadyoMaN Renz Barbarona
