Davao City – Gibutyag ni Davao City Mayor Sara Duterte-Carpio wala nagpatuman og restrictions ang Davao International Airport (DIA) sa international flights luyo sa misiaw nga bag-ong strain sa coronavirus.
Matud sa Alkalde nga sa pagkakaron, ginaapabot sa syudad ang desisyon sa airline companies sa pagbalik sa ilang international flights ug wala pay plano labot sa pagsuspende sa biyahe gikan sa gawas sa nasud.
“Wala ‘ta mag-restrict og international flights sa atong syudad. In fact, we have been waiting nga mag decide ang mga airlines nga adunay international routes pasulod sa Davao International Airport nga mag-resume sa ilang flights,” segun ni Mayor Inday.
Hinuon, gibutyag sa Mayor nga magbaton kini og koordinasyon sa City Health Office (CHO) kung unsa ang mamahimong sistema sa pag-quarantine sa mga muabot sa syudad nga posible’ng positibo sa new strain sa coronavirus.
RadyoMaN Kirby Manzon
