Davao City – Alerto ang entero syudad nunot sa Tropical Depression Ambo.
Gi-abisuhan karon ni Davao City Mayor Sara Duterte-Carpio ang publiko nga mag-igmat ug mangandam ning panahon sa kalamidad.
Sa mga nanimuyo daplin sa sapa, flood o landslide-prone areas, gikinahanglang dili mo-kumpyansa. Subay niini, suspendido ang trabaho sa mga government offices sugod alas 3:00 sa hapon (May 10, 2020) kutob sa alas 11:59 sa gabii (May 11, 2020) gawas sa mga opisinang may kalambigitan sa disaster, emergency, rescue, health ug social services.
Samtang tanang private establishments ug opisina nga wala gikonsiderang ‘essential’ suspendido ang ilang mga operasyon.
“Andamon nato ang atoang mga balay, isaka na nato daan ang mga importante nga appliances, atoa nang i-secure ang mga valuables, i-gawas na nato ang atoang flashlights (in case sa brownout). Igawas na nato ang atoang ‘Go Bag’. Bisan pa man tua ni sa dagat, wala siya dinhi sa yuta, mag-andam lang gihapon ta. It’s good to practice our readiness para sa isa ka bagyo,” segun sa alkalde.
RadyoMaN Aimee Guinita
