Davao analyst: Kakulangon sa kuryente, makababag sa oportunidad ug kalambuan sa Davao del Norte

Davao City – Nasinati sa pipila ka mga residente sa Davao del Norte ang kakulangon sa serbisyo sa Northern Davao Electric Cooperative Inc. (NORDECO) sama sa sagunson nga power interruption nga dili mutunong sa gihatag nga schedule samtang ang bayrunon padayong nagataas.

Nakita sa usa ka Davao Analyst nga mamahimong muhinay ang ekonomiya ug mawad-an og oportunidad ang Davao del Norte tungod sa mga investors nga muatras kay wala nakauyon sa power supply sa maong probinsya.

Sa interview sa DXDC RMN Davao kang Davao City Analyst Ver Bermudez sa Straight to the Point Morning Edition kauban si RadyoMan June Duterte, iyang gibutyag nga kung unsa o kinsa ang episyenteng makahatag og maayong kuryente, hinaut nga matunol sa katawhan.

Subay niini, komento sa usa ka Lucia Plaza nga wala na gyud sila kauyon sa NORDECO tungod pati ang ilang mga negosyo apektado.

Hinuon, ning nakalabay lang nga adlaw gipasalig ni DavNor Governor Edwin Jubahib nga dili madugay, mailisdan na ang electric provider sa DavNor ug Davao de Oro tungod nakakuha na kini og suporta didto sa senado.

RadyoMan Ivy Parido