Davao City – Hitsas na ang Police Regional Office XI isip maoy host sa 1st Chief PNP National SWAT Challenge sugod ugmang adlawa , Marso 1 kutob Marso 3.
Di muubos sa 55 ka mga SWAT TEAMS gikan sa PNP, AFP ug uban pang mga law enforcement units ang magsangka sa maong kumpetisyon diin lakip sa mga partisipante mao ang DCPO ug RPSP XI.
Segun ni PRO XI Director Police Chief Supt. Manuel Gaerlan tumong niining kumpetisyon nga pakusgan pa ang ka epektibo ug kahanas sa SWAT TEAM dinhi sa nasud.
Buot usab sa tinugyanan sa balaod nga pakusgan ang operational capability sa mga awtoridad kontra insurhensiya.
Sumala ni Gaerlan daghang dagkong premyo ang dawaton sa mga mananaog gikan mismo kang PNP Chief Ronald “Bato” Dela Rosa.
Samtang gilauman usab nga muhatag sa iyang mensahe ugmang adlawa si Presidente Rodrigo Duterte.
RadyoMaN Aimee Guinita
