Sa interview sa DXDC RMN Davao kang coach Peter Epe, iyang gisaysay nga sa iyang panlantaw, nahuyang ang depensa ug nawala ang momentum sa grupo sa paghawa sa usa sa pinakamaayong manunula ug ang nagatimon sa Gilas nga si Jordan Clarkson.
Sumala niya nga bisan ang Pilipinas ang duna’y pinakagamay nga line-up, naa gihapo’y tyansa ang Gilas nga mutigi pa sa ubang mga kalaban ug mamahimong kuwalipikado sa Olympics.
“Di gyud nato sila ma underestimate, matan-aw nga hinay jud sila nga team kay out of 32 countries gud na, sulod ta, number 12 gud ta. Dili ta basta-basta kay mao na akong giingon gabie nga kahit isa lang, parang champion na ang gilas,” matud ni Epe.
Dugang pa niya nga bisan sa kapakyasan sa Gilas sa unang dula sa score nga 81 laban sa Dominican Republic nga 87, dili kini kamahayan tungod kay sa 32 ka mga nasud nga nisalmot sa FIBA, nakasulod ang Pilipinas ug nitigi ug mutigi pa sa mga pinakabanggiitan nga team sa tibuok kalibutan.
