Davao City – Gipahibalo ni Davao City Mayor Sara Duterte-Carpio nga sirado ang beach resorts dinhi sa syudad sa Davao sa long Holy Week holiday o gikan alas-12:01AM sa Abril 1 hangtud alas-11:59PM sa Abril 4, 2021.
Kini subay sa gipagwas nga Executive Order (EO) No. 19 Series of 2021 sa City Government of Davao.
“In Executive Order No. 19, this is an order for the closure of all beaches, beach resorts, and other inland water resorts on April 1-4, 2021 in Davao City,” anunsyo sa Alkalde.
Gipasabot ni Mayor Sara nga nag-unang rason sa maong lakang aron kalikayan ang insidente sa pagkalumos, human nga sunod-sunod ang ‘drowning incidents’ nga gikalambigitan sa minors ug mga batan-on ug aron kini kalikayan labi na nga walay klase sa maong panahon.
Dugang sa Alkalde, tumong usab niini nga malikayan ang panagtapok sa Semana Santa nga posibleng muresulta sa risgo ug posibilidad nga magbaton og second wave sa surge sa Coronavirus Disease 2019 (COVID-19) cases.
RadyoMaN Kirby Manzon
