Davao City – Gipasusi na karon ug gipa-imbestigahan sa Barangay Chairman sa Sasa syudad sa Davao ang nahitabong pagpanglatigo sa mga kabatan-onan sa nakalabay’ng gabii sa ilang lugar.
Sumala ni Sasa Barangay Captain Jerry Licarde, wala siya masayod bisan ang iyang mga tanod kung kinsang grupo nga nakamotorsiklo nga miabot sa ilang dapit ug gipangbunalan ang nakit-ang mga batan-on nga nagtambay niadtong tungora.
Nagtoo si Licarde nga dili kini sila mga miyembro sa gang tungod kay nakamotorsiklo man ug wala gayuy nakaila kanila.
Giingon sa amahan sa barangay nga dili pud maayo ang ilang gihimo ngadto sa mga batan-on kung pagdisiplina man ugaling ang ilang tumong sa paghimo sa pagpangbunal kun pagpanglatos ngadto sa mga istambay.
RadyoMaN Bernard Pantallon
