Davao City – Dili kasulbaran sa nagkagrabeng problema sa trapiko ang plano nga High Priority Bus System (HPBS) dinhi sa dakbayan sa Davao ubos sa liderato ni Mayor Sara Duterte-Carpio.
Gibarugan ni Southeastern Mindanao Diversified Drivers & Operators Cooperative (SEMDDOC) chair Maning Duran nga mas makahuot pa hinuon og samot ang bus diha sa dagan sa trapiko sa syudad.
Alang kang Duran, pwedeng masusama ang dakbayan sa EDSA ka-trapik tungod sa kadaghan sa mga bus nga gadagan ug dili usab kini haom dinhi sa lungsod tungod sa kagamay sa kadalanan.
Mas makatabang pa og daku alang sa hingpit nga pagresolba sa problema sa trapiko sa dakbayan ang hinanaling paghikutar sa Mindanao Railway System lakip na ang completion sa Davao Coastal Road diversionary road schemes.
RadyoMaN Aimee Guinita
