Davao City – Temporaryo’ng gihunong una ang biyahe sa bus gikan sa Davao Region padulong sa Caraga Region human nagbaton og mga problema sa rekisitos nga gipangayo sa mga padulong sa maong rehiyon.
Sa interbyu sa DXDC RMN Davao kang Aiza Usop, Manager sa Davao City Overland Transport Terminal (DCOTT), gibutyag niini nga gawas sa authority to travel, medical certificate ug ID, pag-abot sa boundary sa Davao ug Caraga Region, kinahanglang mopailawom sa RDT (Rapid Diagnostic Test), ang tanang sakay sa bus lakip na ang driver ug conductor ug kinahanglang mobayad sa test ang dili residente sa rehiyon sa Caraga.
“Ang pinakalisod ani kay kung dili ka taga didto sa area ikaw maoy mubayad sa maong rapid test nga worth P2,400,” saysay ni Usop.
Sa pagkakaron, padayong nakig-alayon ang mga bus companies ngadto sa Caraga Region labot sa maong sitwasyon diin lakip sila nga mi-reklamo tungod sa kamahal sa magasto sa RDT ug gamay ra usab ang ilang kita tungod sa gamay’ng lang nga pasahero sa ilang sakyanan.
RadyoMaN Kirby Manzon
