Sa pakighinabi sa DXDC RMN Davao kang Ezzra James Fernandez, Information Officer ug Operations Assistant sa CDRRMO, iyang gisulti nga adunay mga natalang nangatumba nga kahoy apan walay major damages ang gihatud sa maong dili maayong dagan sa panahon.
Matud ni Fernandez, padayong nakaapekto sa Davao City ang localized thunderstorms, diin sagad masinatian ang ulan sa hapon padulong gabii.
“Isa gyud na sa among gina-remind sa mga katawhan sa dakbayan sa Davao ilabi na pag adunay kusog nga pagbunok sa ulan, always monitor gyud tong mga areas ilabi sa anaa sa flood and landslide-prone areas kay kani man gyud nga mga area ang susceptible man gyud when it comes to kusog nga pag-ulan,” sulti ni Fernandez.
Dugang sa CDRRMO official nga importante usab ang hugot nga koordinasyon sa mga residente ngadto sa ilang Barangay Disaster Risk Reduction and Management Council (BDRRMC) ilabi na panahon sa emerhensiya aron dali silang matabangan ug malikayan ang unsa mang insidente.
RadyoMaN Kirby Manzon
