Davao City – Mupailawom sa hugot nga health screening ang tanang tao nga musulod og Davao City ilabina kadtong mga gikan sa nagkadaiyang airports sa Mindanao nga walay negative Reverse Transcription Polymerase Chain Reaction (RT-PCR) result.
Sumala ni Public Safety and Security Command Center (PSSCC) chief Angel Sumagaysay kini aron sa pagpugong sa padayong pagtaas sa ihap sa kaso sa COVID-19 sa dakbayan.
Samtang nagmuntar og mga thermal scanners sa Task Force Davao checkpoints gani hugot karong i-check ang travel history sa mga tanang mga land travelers.
“Akong gidirek ang Task Force Davao sa mga boundaries even sa Lumondao, tanan na entrances na i-check na sila particularly ang mga Locally Stranded Individuals and then subject for swab test sa DCOTT,” sumala ni Sumagaysay.
RadyoMaN Aimee Guinita
