Davao City – Aduna nay 20 ka mga vaccination Sites ang dakbayan sa Davao human nag-muntar pa og duha ka mga dugang vaccination sites sa San Roque Elementary School sa Bo. Obrero, Lacson St, Poblacion District ug Don Juan Elementary School sa Toril, Davao City.
Target sa lokal nga gobyerno sa Davao nga moabot sa 15,000 ka mga tawo matag adlaw ang mabakunahan aron mapugngan ang severe cases sa mga pasyenteng maigo ilabina sa presensya sa mas paspas ug mas daghang matakdan sa COVID-19 Delta variants.
Mag-deploy usab og dugang health workers sa mga vaccination sites.
Kahinumduman nga gibutyag ni Davao City Mayor Inday Sara Duterte, giproseso na sa dakbayan ang hiring sa mga health workers aron ipang-assign sa pito pa ka mga vaccination sites aron mas daghan pa ang mabakunahang mga Dabawenyos kontra COVID-19.
Target sa City Government of Davao nga sa Nobyembre muabot sa 1.2 million ka mga Dabawenyos ang mabakunahan sa first dose.
RadyoMaN Aimee Guinita
