Davao City – Hingpit nang naaprubahan sa third and final reading atol sa 48th regular session sa 18th City Council ang P8.8-B annual budget sa syudad sa Davao alang sa tuig 2019.
Gilangkuban sa maong budget ang P7.4B alang sa general fund, P101M alang sa operasyon sa mga merkado, P16M sa slaughter house, P2M sa Sta. Ana port operations, P4M alang sa Davao City Recreational Center operations; P5M sa operasyon sa mga sam-ang; P1M sa Pasalubong Center, ug P1.3B gigahin sa development fund.
Gani adunay nahibilin nga kapin P43-M isip unappropriated balance.
Samtang gibutyag ni Committee on Finance, Ways and Means, and Appropriations chair Councilor Danilo Dayanghirang nga ang ubang proyekto nga gigahinan og dakong pondo mao ang Lingap nga adunay kapin P300M, 911 nga gigahinan og kapin P350M, ingon man ang street lightings nga anaa sa P250M.
RadyoMaN Jason Amisola
