Davao City – Aduna nay gihimong lakang ang syudad sa Davao sa pagpalit og bakuna batok sa Coronavirus Disease 2019 (COVID-19).
Gibutyag ni Davao City Mayor Sara Duterte-Carpio nga bag-ohay lamang, nagbaton na kini og koordinasyon sa usa ka kumpanya sa COVID-19 vaccine ug nagpresenta sa vaccine program sa dakbayan.
Matud sa Mayor nga dili mamahimong problema ang pondo alang niini diin mamahimong magkansela o mag-postpone og mga aktibidad o proyekto ang syudad aron lang makapalit og bakuna nga gikinahanglan sa Davaoeños.
“Wala ‘tay problema sa atoang budget, sa atoang resources. Mupalit ba ‘ta (og COVID-19 vaccine?) Yes, of course. We would want to buy. Duna na ba ‘tay effort nga mupalit? Yes, nagsulat na ko sa usa ka drug company,” matud sa Alkalde.
Sa pagkakaron, anaa na ang proseso sa pagpangutana kung interesado ba ang kumpanya nga magbaton og phase 3 clinical trial partikular sa syudad sa Davao.
RadyoMaN Kirby Manzon
