Davao City andam na sa COVID-19 Alert Level 1

70

Davao City – Walay problema sa City Government of Davao ugaling mas paluagan pa sa Department of Health (DOH) ang restrictions pinaagi sa pagbutang sa syudad sa Alert Level 1 gikan sa kasamtangang Alert Level 2.

Matud ni Davao City Mayor Sara Duterte-Carpio (sa interbyu sa city-owned radio), ugaling ipailawom sa Alert Level 1 ang sitwasyon sa Coronavirus Disease 2019 (COVID-19) sa dakbayan, dawaton kini sa lokal nga gobyerno.

“Kung ang atoang number (COVID-19 cases) nasulod sa classification as Alert Level 1, we would gladly accept that na paghatag sa atoa na classification sa Department of Health,” sulti sa mayor.


Apan nagpasidaan si Mayor Sara sa publiko nga dili gihapon mokumpyansa kay anaa pa ang pandemic ug padayong sundon ang minimum public health standards batok COVID-19.

Dugang ni Duterte-Carpio, padayon gihapon ipatuman sa lokal nga gobyerno ang mga Executive Order (EO) nga nagatabang sa COVID-19 response sa lokal nga panggamhanan.

Ang Alert Level 1 ipatuman sa areas nga nagkaubos ang COVID-19 cases. Ang mga establisyemento ug aktibidad gitugotang mag-operate sa full capacity subay sa minimum public health standards. Kini dili applicable sa areas ilawom sa granular lockdown.



RadyoMaN Kirby Manzon

Facebook Comments