Nagtoo ang usa ka Davao City basketball coach nga lig-on ang 12-man team sa Gilas Pilipinas nga mulaban tali Dominican Republic sa unang adlaw sa FIBA world cup tournament opener, karong Agosto 25, 2023.
Sa interview ni RadyoMan Erin Lumosbog kang Davao City basketball coach Peter “Epe” atol sa Kuskos Batikos Mid-day Edition, nakita niini nga mutigi ang Gilas team pinaagi sa final 12 roasters tungod matud pa nga sa kadaghang manunula nga ilado ug hawud sa nasud, sila ang napili ug nasala pag maayo ni coach Chot Reyes nga mamahimong representante sa Pilipinas.
Ang dose ka mga players mao sila Jordan Clarkson, Kai Sotto, Scottie Thompson, Dwight Ramos, Rhenz Abando, June Mar Fajardo, Japeth Aguilar, AJ Edu, Jamie Malonzo, Kiefer Ravena, CJ Perez, ug RR Pogoy.
Dugang pa ni Epe nga aduna’y potensyal ang team tungod kay ang nagkalain-lain nga kahanas sa mga manunula giusa sa isa ka grupo sama sa speed ability ni Perez, pagkamaayong ring protector ni Sotto, ug ang safety nga pagdala sa bola ni Ravena.
“Atong suportahan gud og unsay mahitabo ana kay pinakamaayong mga laki baya na sila. Buot pasabot dili basta basta ng ginakuha ni coach Chot Reyes,” awhag pa ni Epe.
Panglantaw sab niya nga magkamamo ang Dominican Republic tungod sa homecourt advantage kay lagi lahi ra gyud ang Pinoy kung musuporta.
RadyoMaN Ivy Parido
