Davao City Coastal Road main venue sa Ironman 70.3 Davao

Davao City – Gianunsyo ni Davao City Mayor Sebastian “Baste” Duterte nga ang Davao City ang subling mag-host sa prestihiyusong triathlon race ang Ironman 70.3 Davao.

Ang 8-kilometer Bago Aplaya-Tulip Drive segment sa Davao City Coastal Road ang musunod nga venue sa Ironman.

Ang swimming ug run course ipahigayon usab sa coastal road diin ang bike nga ruta gikan sa coast road lahos ngadto sa Sta. Cruz in Davao del Sur.

“Everything will happen in the coastal road, the swim will be at the water sa tapat (front) of the coastal road, ang transition natin doon mismo sa coastal road ang bike natin papunta Sta Cruz, and yung run natin papuntang Davao City using the Davao City Coastal Road,” sumala ni Princess Galura regional director sa IRONMAN Group Philippines.

Ipahigayon ang 2024 IRONMAN 70.3 Davao sa August 11, 2024 ug lauman nga anaa sa 1,500 ka mga partisipante.

Nagpasalamat si Baste ngadto kang Sta Cruz Mayor Jose Nelson “Tata” Sala sa pagdawat sa imbitasyon isip partner sa paghawid sa Ironman 70.3 nga event diin ang duha ka mga magsilingang Local Government Units ang makabenipisyo partikular sa turismo.

RadyoMaN Aimee Guinita