Davao City – Adunay tanyag karon nga muapil sa partido sa Hugpong ng Pagbabago (HNP) ang mga konsehal sa syudad sa Davao.
Kini ang gisulti ni Davao City 1st District Councilor Nilo Abellera Jr. atol sa pakighinabi sa DXDC RMN Davao kaniya diin sumala ni Abellera nga sagad sa mga konsehal buot muapil sa nasangpit nga partido.
“Sa akin lang ang rason kasi ang Mayor namin yun ang partido, isip pagsuporta, nakikiisa kami sa kanya, gusto namin na pareho sa kanyang partido,” sigun ni Abellera.
Apan giklaro ni Abellera nga dili sila muhawa sa lokal nga partido nila nga mao ang Hugpong sa tawong lungsod apan buot nilang muapil sa rehiyonal nga partido nga mao ang HNP nga gipangunahan ni Davao City Mayor Sara Duterte-Carpio.
Una ng giingon ni Mayor Inday nga kinahanglan nga mapakita sa kadaghanan nga usa ra ang ilang tinguha sa HNP mao ang magkahiusa aron malikayan ang pipila ka bangi sa pulitika sa tibuok Pilipinas.
RadyoMaN Renz Barbarona
