Sumala ni CHO Head Dra. Marjories Culas, gikan Enero hangtud Abril karon tuiga, mokabat lang sa kapin 200 ang kaso sa dengue nga natala sa syudad kon dunay 26% nga pag-ubos kung itandi sa kapin 300 ka kaso sa samang period sa nakalabay’ng tuig.
Sigun ni Culas, mikanaog sa 90 porsento ang death rate sa mga namatay sa dengue karong tuiga, human mikabat lang og duha ang nakabsan sa kinabuhi kung ikumpara sa 12 ka buok sa 1st quarter sa 2022 diin sagad sa mga wala maka-survived sa dengue pulos mga bata.
Matud sa Opisyal, dakong tabang sa pag-ubos sa kaso sa dengue karong tuiga ang intervention program nga ilang gipatuman sa mga Barangay sama sa education campaign ug paghimo og fogging sa mga kabalayan.
Gidasig sa CHO Head ang mga dabawenyo nga dili magkumpiyansa ug kinahanglan iyabo ang mga tubig nga na-stock o pundo sa mga container, ligid, paglimpyo sa mga kanal kung asa mangitlog ang mga lamok nga nagdala sa virus nga dengue.
RadyoMaN Joel Viray
