Sa interbyu sa DXDC RMN Davao kang Alfredo Baloran, hepe sa Davao City Disaster Risk Reduction and Management Office (CDRRMO), gibutyag niini nga walay na-report nga major damages sa dakbayan.
“Wala may major incidents sa Davao. Right after og naay mga earthquake nga ingon ana. Inspeksyonon gyud ang mga building,” sulti ni Baloran.
Samtang, sa interbyu usab sa DXDC RMN Davao kang Richard Eupeña, personahe sa Municipal DRRMO sa Matanao, gisaysay niini nga gilayon silang nagpatingog og siren ug luwas usab nga nakagawas sa mga establisemento ang mga residente.
Matud sa Department of Science and Technology (DOST) – Philippine Institute of Volcanology and Seismology (PHIVOLCS), walay gilaumang damyos apan posible ang aftershocks human sa pagtay-og.
Nasinati usab ang intensity sa linog sa musunod nga mga lugar:
Intensity V – Kidapawan City; Koronadal City, Norala, South Cotabato
Intensity IV – Jose Abad Santos, Davao Occidental; Alabel, Sarangani; Tampakan, Tantangan, Tupi, General Santos City, South Cotabato; Columbio, Sultan Kudarat
Intensity III – Libona, Bukidnon; Obando, Bulacan; Don Marcelino, Davao Occidental; Maasim, Kiamba, Malapatan, Sarangani; Santo Nino, Polomolok, Suralla, T’Boli, South Cotabato
Intensity II – Alamada, Cotabato; Nabunturan, Davao de Oro; Maitum, Sarangani; Lake Sebu, South Cotabato
Intensity I – Malaybalay, Cagayan de Oro, Misamis Oriental
RadyoMaN Kirby Manzon
