Davao City – Nakasakmit na og 50 ka mga gold medals ang Davao City Durians sa ikaduhang adlaw, January 29, 2019 as of 6:30 pm sa Davao Region Athletic Association kun DAVRAA 2019.
Sa partial and official medal Count nga gipagula sa DAVRAA 2019 Records and Results Committee, anaa sa rank 1 karon ang Davao City nga dunay 50 golds, 38 silvers, 17 bronzes samtang gisundan kini sa Tagum City nga dunay 13 golds, 21 silvers, 15 bronzes ug anaa sa Rank 3 ang Panabo City nga dunay 7 golds, 9 silvers, 12 bronzes.
Dugang niini, wala usab nagpaiwit ang Digos City nga naa sa rank 4, rank 5 ang Davao del Norte, rank 6 ang Davao del Sur, rank 7 ang ComVal, gisundan sa Davao Oriental nga anaa sa rank 8, rank 9 ang Davao Occidental, rank 10 ang Mati City ug rank 11 ang IGACOS.
Samtang sa pagpadayon sa maong paugnat sa kusog, gipaningkamutan usab sa ubang mga teams nga makakuha pa og mga medalya aron musaka sa ranking.
RadyoMaN Renz Barbarona
