Davao City – Karon palang gibakwi na daan sa Davao City Water District (DCWD), ang kabalaka sa kadaghanan sa posibleng mugnaong epekto sa el niño phenomenon sa supply sa tubig sa syudad sa Davao.
Gipasalig ni DCWD Spokesperson Johanna Duhaylungsod, adunay bastante nga supply sa tubig ang mga konsumante sa dakbayan, luyo sa deklarasyon sa PAGASA nga anaa na sa tinghuwaw nga panahon ang entero nasod.
Gipasabot ni Duhaylungsod, ang tinubdan sa tubig nagsumikad sa ilalom sa yuta ug dili gikan sa kasapaan, busa bisan kon pila pa ka bulan magdugay ang tinghuwaw, dili mo-minus o maghinay ang supply sa tubig ug dili mohubas sa kayutaan kung itande sa tubig sa kasapaan.
Gipaneguro usab sa opisyal nga operasyonal ang onse (11) ka Water Supply System sa Water District, busa dunay kasigurohan ang mga Dabawenyos nga dili mahutdan og tubig sa ilang kabalayan, taliwala sa nasinatiang El Niño phenomenon.
RadyoMaN Joel Viray
Facebook Comments
