Davao City – Pagbaha og brown-out ang nasinati sa mga dabawenyo kagabii human nibundak ang kusog nga ulan inubanan sa hangin.
Sa pakighinabi sa DXDC RMN Davao sa Pag-Asa Davao, ang kusog nga ulan kagabii tungod matud pa sa Intertropical Convergence Zone (ITCZ) nga nakaapekto sa Palawan, Visayas ug Mindanao.
Sa maong pag ulan, pipila ka mga pasahero ang na-stranded gani gi-rescue na kagabii sa Mobile Patrol Group sa Davao City Police Office (DCPO) ang mga pasahero nga natanggong sa ilang gisakyang jeep nga mitirik sa kalsada tungod sa pagbaha sama nalang sa may Bajada ning syudad.
Dugang sa Pag-Asa, posibleng makasinati pa karong adlawa og pag-ulan ang Davao region tungod sa ITCZ diin base sa lakat sa panahon sa Pag-Asa, makasinati ang Mindanao og makasinati sa patak-patak nga pag ulan kilat ug pagpanalugdog tungod kini sa localized thunderstorms. Hinay ngadto sa kasarangan nga hangin ang magagikan sa sidlakan ngadto nasa amihanang sidlakang direksyon ug ang kadagatang hapsay ngadto na sa kasarangan ang pagbalud.
RadyoMaN Renz Barbarona
