Davao City – Epekto matud pa sa localized thunderstorm ang nahitabong pag-ulan nga miresulta sa pagbaha sa pipila ka mga lowlying areas dinhi sa syudad sa Davao.
Sumala ni PAGASA weather observer 4 Jojo Taboclaon, padayon kining masinatian gumikan sa presensya sa Southwest monsoon kun Habagat.
Samtang gibutyag sa Office of Civil Defense (OCD) XI nga street floods lang ang nahitabo kagabii sa syudad hinungdan sa pagka-stranded sa pipila ka mga pasahero.
Dugang niini nag yellow warning ang sapa sa Matina River samtang kutob tuhod ang baha sa Buhangin area.
Sa pikas bahin, tungod sa mga batong nahulog sa dalan sa may diversion road ning syudad dala sa kusog nga ulan nga nasinati dinhi sa dakbayan, nahulog ang usa ka pick-up sa kanal sa nasangpit nga lugar pasado alas 2 kaganinang kadlawun.
Matud pa nga nawad-an og control ang driver samtang gabyahe tungod sa kangitngit usab sa lugar diin wala niya nabantayan ang mga batong nakakatag sa dalan.
Buntag ng naadtuaan sa kapulisan ang sakyanan sa lugar samtang luwas na ang sakay sa maong behikulo.
RadyoMaN Jason Amisola
