Matud pa nga sa upat ka higayon nga nibista ang sanitary inspector, wala kini pasudla sa tag-iya apan gihatagan kini og higayon sa CHO nga sulbaron ang mga reklamo sa kabaho ug kabanha pero giingong wala’y aksyon nga gibuhat ang shelter aron sulbaron ang problema.
Ug niadtong September 27, nagpagula og closure order ang Business Bureau.
Sa pagkakaron, nagpaabot na lang ang Environmental Sanitation Division og letter sa tag-iya sa animal shelter aron makig-storya ug makapahigayon og re-inspection ug sila malaumon nga abrihan sa Happy Animals Club ang ilang pultahan alang sa City Government para sa pagresolba sa problema.
Samtang wala pa ang tubag sa Happy Animals Club, magpabilin ang pagpasirado niiini sa pagsupak sa City Ordinance No. 0291-17 ilawom sa Revenue Code of Davao City partikular sa rules and regulations on sanitation.
RadyoMan Ivy Parido
