Gisusama ni VP Inday sa diyablo ang Teroristang NPA nga angay hisgutan ilabi na ang ilang kamangtas batok sa kalinaw, kalamboan ug pagpatay sa mga inosente ilabi na sa mga Barangay Kapitan sa syudad sa Davao.
Lab-as pa sa panumduman ang pagpamanhig sa mga teroristang komunista sa usa ka lungsod sa Bukidnon, kung asa upat ka bulan nga batang babaye ang namatay niadtong 2016 ug pagkamatay sa Fish Vendor human gipabuthan og improvised explosive device sa Barangay Tigatto niadtong tuig 2017.
Gipasalamatan ni VP Inday ang mga sundalo ug kapulisan nga nagbuhis sa ilang kinabuhi aron lang mabawi ang Paquibato gikan sa teroristang CPP NPA NDF ug madeklara nga gawasnon na sa insurhensiya ang dakbayan ug ang entero sa rehiyon onse.
Kagahapon adlawa gisaulog ang unang tuig nga anibersaryo sa pagka-gawasnon na sa dakbayan gikan sa insurhensiya diin karong adlawa ipahigayon usab ang unang anibersaryo sa Davao Del sur isip Insurgency-Free na.
RadyoMaN Joel Viray
