Davao City – Aprubado na sa Kongreso sa ikatulo ug katapusang pagbasa ang sugyot balaodnon kun bill nga madeklara sa dakbayan sa Davao isip Chocolate and Cacao Production Capital of the Philippines.
Atol sa 19th Davao City Council Regular Session kagahapong adlawa (Enero 19, 2021), nagpresenta usab og resolusyon si Davao City Councilor Pilar Braga sa pag-recognize sa mga cacao farmers gikan sa Davao Region nga nahimong winners sa Philippine Cacao Quality Awards 2021 nga mao sila Arthur Lagoc, taga Tugbok, Davao City, Solidad Robillo, taga Baguio District, Davao City ug Carlos Brasicula, taga San Isidro Davao del Norte.
Ang nahisgutan maoy mo-representa sa Pilipinas sa Oktubre karong tuiga sa 2021 International Cocoa Awards sa Paris, France.
Gidayeg sa konsehala ang cacao farmers sa rehiyon sa pagpalambo pa og paghatag og maayong kalidad sa ilang produkto.
“We are thankful that our (cacao) farmers have utilized the support given to improve their livelihood of their products,” saysay ni Braga.
Dugang sa opisyal nga maghatag pa og oportunidad sa ubang mga mag-uuma og cacao ang paghatag og maayong produkto nga mamahimong i-showcase sa international arena.
RadyoMaN Kirby Manzon
