Kana ang gibutyag ni Dr. Ronivin Pagtakhan, Founder and Executive Director sa LoveYourself Inc., usa ka organisasyon nga ang adbokasiya mao ang kampanya batok HIV.
Sa official launching sa Jeffreyi gahapon July 12, 2024, ang pinakaunang Community Center sa LoveYourself sa Davao City, gibutyag ni Dr. Pagtakhan nakita niyang lig-on ang kampanya sa HIV sa syudad apan miabot sila aron mas mapalapdan pa kini ug mapaduol ang serbisyo sa katawhan.
Subay niini, giawhag usab ni Pia Alonzo Wurtzbach, LoveYourself Ambassador ang publiko nga dili mahadlok magpa-screen ug magpatambal tungod ang maong balatian, posibleng muigo sa tanan.
“We also recognize the important of mental health particularly with people living with HIV and the LGBTQ community. Yung holding space, hopefully makatulong dyan. This also foster understanding and acceptance in bridging the gap between health, spiritual and promoting mental well-being,” sulti ni Wurtzbach.
Samtang, gibutyag usab ni Dr. Jordana Ramiterre, AIDS Council Representative nga adunay 38 ka natalang bag-ong kaso sa Enero 2024 sa Davao City apan gipaniguradong adunay programa ang lokal nga panggamhanan aron ang maong balatian mabatukan ug gilayong matambalan.
RadyoMaN Ivy Parido
