Sa ikapitong tuig sa paghinumdum kagahapong adlawa, gibatbat ni Mayor Baste nga mao kini ang rason kung nganong dili unta siya mosulod sa politika, apan anaa na siya sa katungdanan busa wala na siyay mahimo.
Giingon sa Mayor sa mga pamilya, kaparyentihan ug survivors nga andam kini makig-istorya kung gikinahanglan tungod sa gibating kasakit sa maong insidente. Gidasig pa niini ang mga kabanay ug survivors nga magpadayon lang sa ilang kinabuhi, bisan og dili na mabalik ang kinabuhi sa ilang mga minahal sa kinabuhi nga namatay sa Roxas Night Market Bombing.
Gipasalamat usab sa Mayor sila DCPO City Director Police Coronel Alberto Lupas ug Task Force Davao Commander Army Coronel Darrel Comia sa padayong paghatag og seguridad sa mga Dabawenyo ug pagbantay batok sa mga terorista ug dautang mga elemento.
Atol sa kumemorasyon sa Roxas Night Market Bombing kagahapong adlawa, naghalad og mga bulak ug nagsindig kandila ang mga opisyal, kabanay ug mga survivors sa memorial monument ingon man pag-ampo ug blessing si Father Bong Gonzaga kagahapong adlawa.
RadyoMaN Joel Viray
