Nangunguna pa rin si Davao City Mayor Sara Duterte–Carpio sa mga pinagpiliang ‘presidentiables’ para sa 2022 national election.
Sa latest survey ng Pulse Asia na isinagawa noong Setyembre 6 hanggang Setyembre 11, 20 porsiyento sa mga sumagot ang pinili si Mayor Inday Sara.
Sinundan siya nina dating Sen. Bongbong Marcos na nakakuha ng 15-percent; Manila Mayor Isko Domagoso may 13-percent at Sen. Manny Pacquiao na 12-percent.
Nasa pang-apat na puwesto naman si Sen. Grace poe na sinundan nina Vice President Leni Robredo at Sen. Panfilo Lacson.
Samantala, nangunguna naman si Senate President Vicente Sotto III para sa mga pagpipilian sa ‘vice presidential race.’
Nakakuha si Sotto ng 25 porsiyento, na sinundan ni Pangulong Rodrigo Duterte na mayroong 14 porsiyento.
