Davao City – Nahimong champion ang Davao City sa Batang Pinoy Mindanao Leg nga gipahigayon sa Oroquieta City, Misamis Occidental.
Sa gipagula nga final tally sa Philippine Sports Commission kun PSC sa Batang Pinoy Mindanao games, 126 ka medalya ang nauli sa Davao City diin 64 niini ang golds, 55 silvers samtang 27 ang bronze medals.
Gisundan kini sa General Santos City nga anaa sa rank 2 nga dunay 161 ka medalya (50 golds, 53 silvers, 58 bronzes) gani wala usab nagpaiwit ang usa pa ka lugar sa Davao Region nga mao ang Davao del Norte nga nakatungtong sa rank 3 nga dunay 109 medals (39 golds, 28 silvers, 42 bronzes).
Samtang ang Tagum City nga gikan sa rank 5 kagahapon, mibaba og usa ka ang-ang diin anaa sila sa rank 6 nga dunay 80 medals (28 golds, 29 silvers, 20 bronzes).
Dugang niini, pipila sa mga lugar gikan sa Davao Region ang naningkamot nga mapasaka pa ang rango sama sa Panabo City nga anaa sa rank 11 ug Mati City nga nakatungtong sa rank 19 samtang mibaba ang pwesto sa ubang delegados gikan sa Sto.Tomas Davao del Norte diin nakuha nila ang rank 18 gikan sa rank 16 ug Davao del Sur nga anaa na sa rank 20.
Tulo ka ang-ang usab ang gibaba sa Hagonoy Davao del Sur diin sa final ranking anaa sila sa rank 25 samtang nagsunod sa ranking ang Samal nga anaa sa rank 35 Malita, Davao Occidental nga nakuha ang rank 36.
Sunod nga atangan nga paugnat nga kusog mao ang Palarong Pambansa 2018 nga ipahigayon karong umaabot nga bulan sa Abril sa Vigan, Ilocos Sur.
RadyoMaN Renz Barbarona
