Davao City – Nanghinaut si Davao City Mayor Sara Duterte-Carpio nga mapaluagan ang quarantine status sa syudad sa Davao human sa Hulyo 15, 2021 gikan sa kasamtangang status niini nga Modified Enhanced Community Quarantine (MECQ).
Matud ni Mayor Sara (sa interbyu sa city-owned radio), ugaling magpabilin sa estriktong quarantine classification ang dakbayan, andam nga muapelar ang lokal nga gobyerno ug himuon niining argumento o rason mao ang mga lakang nga ginahimo karon o ang Coronavirus Disease 2019 (COVID-19) response sa syudad sama sa testing, contact tracing ug ang nagpadayong vaccination program.
“We are readying possible supporting na mga argument kung ngano mag-request ‘ta og GQC which would touch sa atong ginabuhat nga intervention, enforcement, testing, tracing sa isolation facilities nato ang of course sa vaccination program nato,” segun sa mayor.
Matud ni Duterte-Carpio nga paaboton na lamang niini ang desisyon sa Inter-Agency Task Force (IATF) kung unsa ang ihatag nga quarantine status sa Davao City una ang Hulyo 15, 2021 ug sa posibleng adjustments sa guidelines sa naasoy nga quarantine classification.
RadyoMaN Kirby Manzon
