Davao City- Hugot nga ginamonitor sa mga awtoridad ang mga barangays nga subay sa Commission on Elections Davao nga adunay political rivalry.
Gibutyag ni Police Col. Alberto Lupaz, Davao City Police Office (DCPO) City Director, nagpabilin gihapong anaa sa category green ang syudad kun walay mga intense nga bangi pulitika ilawom sa 182 ka mga barangays.
Atubangan sa anaa sa 500 ka mga mga aspirants sa Barangay and Sangguniang Kabataan (BSKE) 2023 atol sa Candidate Forum, Covenant Signing ug Unity Walk sa People’s Park nagtambag si Lupaz nga ipatigbabaw gihapon ang pagrespetuay sa isig kandidato ug kooperasyon sa nakalatag nga balaod aron walay kagubot sa eleksyon.
Gihugtan usab sa DCPO ang pagpatuman sa mga mandato sa COMELEC partikular na sa 24/7 nga checkpoints ug election gun ban.
RadyoMaN Aimee Guinita
Facebook Comments
