Davao City – Mas gipahugtan pa sa mga otoridad ang pagbantay sa seguridad sa Davao human sa nahitabong pagpamomba sa Isulan, Sultan Kudarat kagahapon.
Sa gihimong iSpeak forum, gibutyag ni Davao City Police Office o DCPO Spokesperson Police Captain Ma. Teresita Gaspan nga anaa sa heightened alert status ang syudad gani naghatag og direktiba ang DCPO director sa tanang station commanders sa Davao nga pahugtan ang security measures lakip na ang ilang intelligence monitoring.
Samtang ang Task Force Davao gistriktuhan pa ang pagsuta sa mga bagahe sa mga checkpoints aron masiguro nga di makasulot ang mga dautang elemento.
Kahinumduman nga gikakurat sa mga residente ang nahitabong pagpamomba sa usa ka restaurant sa Isulan nga gikaangol sa kapin pulo ka mga tao.
RadyoMaN Renz Barbarona
