Davao City nangandam vs TD Chedeng

Davao City – Gilauman na sa awtoridad nga unyang gabii makasinati na ang Davao Region og kusog nga pag-ulan bisan pa man mu-landfall ang Bagyong Chedeng adlaw’ng Martes sa buntag sa Davao Oriental.

Gumikan niini gipaalerto na sa Davao City Disaster Risk Reduction Management Office (CDRRMO) ang publiko ilabi na ang mga lumulupyo daplin sa kadagatan ug kasapaan ingon man ang mga landslide-prone areas.

Pahimangno ni CDRRMO head Alfredo Baluran sa publiko nga mangandam na bisan unsang weather disturbance diin sila posibleng magpatuman og pre-emptive evacuation tumong nga malikay ang pagkatala og casualty.


Ginadid-an usab ang nga mubyahe ang mga gagmay nga bangka paingon sa direksyon sa Visayas ug palibot sa eastern board sa Mindanao partikularmente ang mga lugar nga gipailawom sa Tropical Cyclone Warning Signal.

Una nang nahilakip sa TCWS No. 1 ang Davao Oriental, Compostela Valley, Davao Occidental, sidlakang bahin sa Davao del Norte lakip ang Samal Island, North Cotabato ug Eastern Sarangani.

Samtang gisuspende sa Davao Oriental-LGU ang tanang klase sa pre-school level ingon man ang primary level sa pampubliko ug pribadong tulunghaan sa Samal Island.

RadyoMaN Jason Amisola

Facebook Comments