Ang Davao City National High School Sining Sayon Dawet Cultural Ensemble, midaug isip Best in Music, Best in Visual Appeal, Best in Choreographer ug labaw sa tanan Grand Champion.
Sa pakighinabi sa mga Tigbalita kang Artistic Director Brian Ellorino, giingon niini duna silay tulo ka taktikant gigamit aron makuha ang kampeonato ug kini mao ang Konsepto sa sayaw, paghago, disiplina ug pagsabot sa kabadlugon sa ubang mga performers o dancers sa ilang matag practise.
Giingon ni Ellorino, nagsumikad ang ilang konsepto gikan sa Sayaw Mindanao, kung asa nagkampeon usab sila niini nga kumpetisyon niadtong tuig 2018. Gikan sa paggamay nga konsepto, ila kini gipadako aron makasukol gayud sila sa ubang mga contingents nga nagpakitang gilas usab sa ilang performance ibabaw sa entablado.
Giklaro ni Ellorino, dili tinuod ang pagtuo sa uban nga nakapangandaman og maayo ang ilang grupo sa Indak-Indak karong tuiga, sanglit sukad sa tuig 2018 wala gayud sila misalmot sa nakalabay’ng mga Indak-Indak.
Matud ni Head Choreographer Joseph Fernandez, anaa lang sa duha ka semana ang ilang preparasyon, apan tungod ilang gisabot ug gihatagan og igong panahon maka-relaks sa practise ang ilang mga performers, naperpekto sa mga dancers ang tanang steps sa konsepto sa ilang sayaw. Gisulti sa Artistic Director, angayan lamang silang mahimong Grand Champion sa Indak-Indak sa Kadayawan karong tuiga.
RadyoMaN Joel Viray
