Davao City – Gipasalig karon ni First District Councilor Pilar Braga nga andam na kaayo ang Davao City alang sa pag-abli sa klase karong August 24.
Matud ni Braga, ang Local School Board (LSB) pinaagi sa Special Education Fund (SEF) nagpagula na og igong pondo alang sa pag-imprenta sa mga learning modules aron gamiton sa pagbukas sa klase karong bulana.
Segun ni Braga, gibansay na usab ang mga magtutudlo sama sa pagbuhat og work books ug modules diin ang tanang estudyante sa elementariya ug sekondariya nga level hatagan sa learning materials.
Walay problema kang Braga ang online, on-air, modular ug work books learning system nga pagtoon sa katarongan nga aduna pa’y nagpabiling hulga sa COVID-19 sa upat ka suok sa tibuok kalibutan.
Awhag ni Braga sa mga ginikanan nga dili mahadlok sa pagpa-eskwela sa ilang mga anak aron dili maulahi kon mabitin sa pagtungha sa ilang mga kabataan kun mga batches.
Tambag sa maong opisyal ngadto sa mga ginikanan ug sa mga magtutudlo nga makanunayong mo-kooperar aron ilang magiyahan og maayo sa pagtuong ang mga kabataan hilabi na nga blended ang klase karon.
RadyoMaN Joel Viray
