Davao City – Ilusad sa City Government of Davao ang duha ka mga programa ngadto sa mga naapektuhan sa COVID-19 pandemic.
Matud ni Davao City Mayor Inday Sara Duterte-Carpio, mutanyag og emergency employment cash for work kun Work For Davao ang syudad sa mga nawad-a’g trabaho tungod sa retrenchment o nanirado ang ilahang gipangtrabahuan.
Anaa sa 42,000 ka mga indibidwal ang gikinahanglan sa Work for Davao nga mudawat og P396 kada adlaw sulod sa 10 diyas.
Samtang ilawom sa Eskwela Davao mao ang educational assistance project alang sa mga anak sa mga ni-reduce ang income tungod sa COVID-19.
Matud sa mayor nga target niini ang mga kindergarten, grade school, high school ug senior high school nga anak sa mga apektado.
Gibutyag sa mayor nga maggikan sa lokal nga panggamhanan sa Davao ang budget nga P159M sa Work for Davao samtang P50M sa Eskwela Davao.
“Nagsulti ko daan sa atoang finance nga mangita og mga kwarta nga pweding gamiton. Last year I can remember nga nag-submit ta og request sa Department of Budget and Management. Nakalimtan ko na ni actually nga naa diay ani and then suddenly karon nakita nato nga nagdagan diay ang iyahang papers, so now finally ang kwarta is naa sa atoa,” sumala ni Mayor Inday.
RadyoMaN Aimee Guinita
