Davao City – Makonsiderang wala na nailawom sa restricted Local Government Unit (LGU) ang syudad sa Davao subay sa resolusyon nga gipagawas sa Joint Task Force (JTF) COVID Shield.
Kini human sa gipagula nga Resolution 101 nga nagpaluag sa travel restrictions sama sa pagwagtang sa pag-require sa travel authority ug medical certificate ug uban pa.
Matud ni Davao City Mayor Sara Duterte-Carpio nga sundon sa lokal nga gobyerno ang maong kamanduan diin ang JTF COVID Shield usab ang nagpailawom sa Davao City isip restricted LGU.
“By that resolution alone na nagsulti nga the JTF COVID-19 Shield, dili na sila mag isyu og travel authority, meaning ana there are no LGUs, municipalities or cities that are in restricted status anymore. We will follow… the decision is to follow IATF reso. 101. Naa pa ‘ta dinha sa pagkakaron and that is ang pagpaluag sa pagsulod sa mga tao dinhi sa atoang syudad, to travel into Davao City,” matud sa Mayor.
Samtang, matud ni Duterte-Carpio, kinahanglan gihapon nga i-check sa biyahero kung unsa ang requirements nga ginapangayo sa padulngan nga lugar gawas sa Davao City, diin aduna usay mga kaugalingong regulasyon nga ilang ginapatuman.
RadyoMaN Kirby Manzon
