Kini human mibisita kagahapon, Nov. 5, 2025 (Miyerkules) sila Independent Commission for Infrastructure (ICI) Special Adviser Rodolfo Azurin Jr., Department of Public Works and Highways (DPWH) Usec. Arthur Bisnar, ug Baguio City Mayor Benjie Magalong aron susihon ang mga proyekto sa syudad.
Midepensa si Cong. Pulong nga na-implement, mi-agi sa inspeksyon ug validation sa DPWH ingon man Commission on Audit (COA) ang tanang flood control project sa Davao ug Matina River.
Gipunto pa niya nga dili ghost ang mga proyekto sa syudad sanglit nagamit kini sa mga katawhan ug dili sama sa uban nga ga-utingkay lamang kung kinahanglan og atensyon.
Gibalikan pa niya ang mga gipangbutyag ni ACT Teachers party-list Rep. Antonio Tinio ug giila kini isip deperadong lakang aron mapasanginlan ang Davao.
Wala sab nakalusot sila President Bongbong Marcos Jr. (PBBM) sanglit gipanawagan ni Cong. Pulong nga inay sa Davao mag-focus, pa-imbestigahan sab ang anak niining si Ilocos Norte 1st District Rep. Sandro Marcos ug ig-agaw nga kanhing House Speaker nga si Cong. Martin Romualdez.
RadyoMaN Leo Battulayan
