Davao City walay natalang major damage ug casualties sa 6.4 magnitude nga linog

Davao City- Usa ang Daniel R Aguinaldo National High School (DRANHS) nga ni-report para ma-assess tungod sa mga liki sa mga buildings nga sa epekto sa linog kagabie.

Sumala ni Romeo Camilotes, Principal sa DRANHS nabalaka sila tungod sa mga hairline cracks nga nagkaanam na og kadako.

Ang dakbayan nakasinati og Intensity III sa Magnitude 6.4 nga linog base sa assessment sa City Disaster Risk Reduction and Management Office (CDRRMO) ug City Engineers Office (CEO) sa mga istruktura ug daghang eskwelahan.

Matud ni Alfredo Baloran, CDRRMO chief, walay major damages nga gibilin ang linog sa siyudad.

Apan adunay mga indibidwal gikan sa Assumption College of Davao ug Crossing Bayabas National High School nadala sa ospital ug gitambalan on site tungod sa pagkalipong.

Segun ni Baloran sa nakita nila ang positibong epekto sa gihimong mga earthquake drills ug disaster preparedness tungod ang nga Dabawenyos nakahibalo sa angayng buhaton ug nag-evacuate ilabina kadtong anaa sa sulod sa mga buildings o establisyemento.

RadyoMaN Aimee Guinita