Gibutyag ni Davao City Mayor Sara Duterte-Carpio (sa interbyu sa city-owned radio), nagpabiling ubos ang kaso sa COVID-19 sa dakabayan, apan padayong gipangandaman sa lokal nga gobyerno ugaling musutoy ang kaso resulta sa May 9, 2022 Elections.
“Very low lang gihapon ang atoang mga (COVID-19) cases and in the event nga duna ‘tay surge, nangandam pud ‘ta sama sa [pag]pangandam nato kaniadto. Mao lang man gihapon ang COVID-19 response nato,” sulti sa alkalde.
Matud ni Mayor Sara, sa pagkakaron ang available nga COVID-19 facilities mao kadtong gipanag-iyahan sa gobyerno human nga giuli na sa mga donor kadtong private properties nga gihulaman sa lokal nga panggamhanan.
Padayong gipanawagan ni Duterte-Carpio sa Davaoeños ug publiko nga magpabakuna ug magpa-booster aron magbaton og dugang proteksyon batok sa COVID-19 ug sa na-detect nga bag-ong variants niini.
RadyoMaN Kirby Manzon
