Davao COVID-19 cluster clinic 24/7 muserbisyo sa publiko

35
Davao City – Andam nga muserbisyo sa publiko ang Davao City COVID-19 Cluster Clinic (CCC), pinakaunang one-stop-shop sa Pilipinas nga maghatag og COVID-19 services alang sa katawhan, diin kini natukod pinaagi sa City Government of Davao uban ang nagkalain-laing sektor ug ahensya sa komunidad.

Matud ni Dr. Julinda Acosta, Chief Technical Division, Focal Person Contact Tracing (sa video presention sa City Government Davao Facebook page), nga libre ang tanang serbisyo sa CCC.

Adunay libreng contact tracing, libreng konsultasyon, libreng medisina, libreng swab test, libreng quarantine o isolation, libreng transportasyon ug pagkaon alang sa mga suspected, probable, o confirmed COVID-19 cases, ug uban pang mga serbisyo.

“Kung ikaw adunay simtomas sa COVID-19 sama sa ubo, sip-on, kalintura, kalibanga ug uban pa, o nahimong expose sa usa ka kumpirmadong kaso sa COVID-19, diretso na sa pinakaduol nga COVID-19 Cluster Clinic (CCC) sa inyong dapit. Sa CCC, libre ang tanang serbisyo,” matud ni Acosta.

Nahimutang ang Davao City COVID-19 Cluster Clinic sa Doña Vicenta Village, Bajada, Davao City ug kini abri 24/7.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments