Davao City – Gikasubo ni Dr. Ashley Lopez, Focal Person sa Davao COVID-19 (Coronavirus Disease 2019) Response nga miabot na sa halos 500 ka indibidwal ang mipanaw sa Davao City tungod sa COVID-19.
Gibutyag ni Lopez, sa interbyu sa city-owned radio, nga natala ang pinakadaghang COVID-19 deaths sa syudad niadtong unang semana sa Enero karong tuiga diin miabot sa 55 ka tawo ang namatay sulod lamang sa usa ka semana.
“Unfortunately, we have recorded the highest death rates in the first week of January (2021), sa pagsugod sa pandemic nato. Mao ‘to ang unfortunate nga event nga nahitabo in relation to our COVID-19 situation,” saysay ni Lopez.
Gibutyag ni Lopez nga majority sa mipanaw kadtong mga nag-edad og 60-anyos pataas nga nagbaton og comorbidities o balatian diin nanguna dinhi ang sakit nga ischemic heart disease ug ubang pang cardio vascular disease.
Samtang, gitino sa health official nga 95% sa mipanaw gikonsiderang hospital deaths, pasabot nga walay namatay sa dalan o mipanaw tungod sa delayed sa pagkuha sa pasyente sa ilang panimalay.
RadyoMaN Kirby Manzon
