Davao City – Gisugdan kagahapong adlawa (Marso 11, 2021) ang pag-distribute og informative illustrated materials labot sa Coronavirus Disease 2019 (COVID-19) sa pagpanguna sa City Government of Davao pinaagi sa the City Information Office (CIO).
Ang Office of the City Vice Mayor ang nanguna sa pag-apud-apod sa materyales diin target sa maong informative comic strips ang mga areas nga nanginahanglan og edukasyon o dugang pagpasabot sa COVID-19.
Sa 32-page strips, si ‘Kapitan BIDA’ usa ka superhero samtang si ‘COntraVIDa’ mao ang virus, diin ang istorya nagtuyok kung unsa nakaapekto ang COVID-19 sa katawhan, unsa kini makatakod ug unsa ang usa ka indibidwal maproteksyonan.
Ang comics adunay titulong ‘Goodbye COntraVIDa! featuring Kapitan BIDA ug mga Dabawenyo’ nga mamahimo usab nga ma-access online, https://issuu.com/byahengdo30/docs/goodbye_contrvida_.
Samtang, una nang gibutyag sa lokal nga panggamhanan nga magpahigayon usab og information drive labot sa bakuna sa pagdasig usab sa publiko nga magpabakuna batok COVID-19.
RadyoMaN Kirby Manzon
